പൂർണ്ണ പബ്ലിക്കേഷനും ആർ രാമചന്ദ്രൻ അനുസ്മരണ സമിതിയും സംയുക്തമായി നൽകിവരുന്ന ആർ.രാമചന്ദ്രൻ കവിതാ അവാർഡ് 2022 അസീം താന്നിമൂടിന്റെ 'മരത്തിനെ തിരിച്ചു വിളിക്കുന്ന വിത്ത്' എന്ന സമാഹാരത്തിന് ലഭിച്ചു. ഡി.സി. ബുക്സാണ് പ്രസാധകർ. 10,000 രൂപയും ശില്പവും പ്രശസ്തിപത്രവും അടങ്ങുന്നതാണ് പുരസ്കാരം.

2001ലെ മൂലൂർ പുരസ്കാരവും 2022ലെ അബുദാബി ശക്തി പുരസ്കാരവും ഡോ.നെല്ലിക്കൽ മുരളീധരൻ പുരസ്കാരവും ഈ കൃതിക്കു ലഭിച്ചിരുന്നു. ആദ്യ സമാഹാരമായ കാണാതായ വാക്കുകളും ഏറെ ശ്രദ്ധിക്കപ്പെട്ട കൃതിയാണ്. കവിയും പത്രപ്രവർത്തകനുമായ അസീം താന്നിമൂട് തിരുവനന്തപുരം ജില്ലയിൽ നെടുമങ്ങാട് സ്വദേശിയാണ്.